На сите им е јасно веќе, дека уставни измени под бугарски диктат, ВМРО-ДПМНЕ нема да поддржи, потребни се брзи избори, се истакнува во денешното соопштение од ВМРО-ДПМНЕ.
– И на врапчињата веќе им е јасно дека уставни измени, под бугарски диктат, нема да се случат и тоа ВМРО-ДПМНЕ нема да го дозволи. На оската ДУИ, СДС и Груевски, не им успеа ни последниот план, кој беше осуетен на време и спречен, каде имаше тргување со амнестија, со што се одбранија националните интереси на Република Македонија, се вели во соопштението.
За да не се троши повеќе времето на граѓаните и државата, се додава натаму во соопштението, потребни се брзи избори, каде народот ќе си го каже својот став по ова прашање, само така е одговорно и доследно да се направи.
