Лојалниот маж прави да се чувствувате како најубавата жена во секоја просторија. Никогаш не прави да се сомневате во себе. Тој ве охрабрува да се сакате себеси.
Лојалниот маж ќе ги избрише апликациите за состанување. Ќе се ослободи од контактот со девојките кои му се допаѓале бидејќи знае дека не му се потребни повеќе. Не е заинтересиран да ве замени со никој друг. Знае дека не му е потребен друг план во случај вашата врска да не успее бидејќи верува дека ќе бидете заедно целиот живот.
Лојалниот маж не се грижи само за сексот. Тој ве цени поради вашиот ум, вашата смисла за хумор, вашиот карактер сокриен под вашата кожа. Ужива да поминува време со вас дури и кога сте целосно облечени. Верува дека интимноста е многу повеќе отколку да ја соблечете облеката. Тој ве држи за рака, ве прегрнува и внимателно ве слуша кога зборувате.
Лојалниот маж мисли на вас дури и кога не сте до него. Ви испраќа порака додека е излезен со пријателите. Ве проверува во текот на денот биејќи сака да знае дали сте во ред. Ви обрнува внимание секој ден, не само кога сте во иста просторија со него.
Лојалниот маж сака целиот свет да знае дека сте заедно. Ве запознава со неговото семејство. Ве носи на пијачки со неговите пријатели. Ве носи на настаните организирани од неговото работно место и сите негови колеги веќе го знаат вашето име. Ве спомнува на секого што ќе го сретне бидејќи е горд што е „зафатен“.
Лојалниот маж одговара на вашите прашања без да бара начин да избега од непријатните разговори. Ви ја кажува вистината дури и кога ви е тешко да ја слушните. Ве почитува доволно за да ви ги даде сите информации наместо да ви кажува само делови од приказната со цел да изгледа подобро.
Лојалниот маж има морали. Не верува во лажење, изневерување или манипулација. Кога ќе слушне за нечие неверство, не бара изговори за тоа. Гo искажува своето разочарување бидејќи смета дека никој не заслужува да биде изневерен.
Лојалниот маж никогаш не крие ништо од вас. Ви дозволува да ја видите и неговата грда страна што ја крие од остатокот од светот. Нема потреба да молите одговори од него. Тој е ранлив со вас. Ви кажува сè што сакате да дознаете. Никогаш не крие ништо, особено не неговото срце.
Лојалниот маж е личностa на којашто можете да ѝ верувате. Кога ќе се појавувi малку подоцна од очекуваното, не се грижите каде бил. Знаете дека не направил ништо за да ве повреди. Знаете дека или имало метеж, бил задржан на работното место или бил со неговите пријатели. Не сте параноични во врска со него бидејќи знаете дека никогаш нема да ве повреди.
