КАЛЕНДАР НА МПЦ: Денеска е Преподобен Теодор Трихин, со Божји дар за чудотворства

Според календарот на МПЦ (Јулијанскиот календар) денеска е 20 април.

Денеска е Преподобен Теодор Трихин.

Се родил во Цариград, во семејство на богати родители. Уште како момче ги презирал богатството и почестите и се повлекол од светот во еден тракиски манастир. Покрај другите подвизи, избрал да спие исклучиво на камен и носел само една груба наметка. Подоцна Бог го надарил со дар на чудотворство. Тој дар Бог му го остави и после неговата смрт од неговите мошти истекуваше миро преку кое се исцелија многумина. Преподобен Теодор се упокои во 400 година.

ОД КАТОЛИЧКИОТ КАЛЕНДАР: Денеска е Св. Филип и Јаков.

Филип бил роден во Бетсаид. Бил ученик на Иван Крстител, а потоа станал Исусов ученик. Роднината на Исус, Јаков управувал со црквата во Ерусалим. Бил измачуван и умрел во 62 година.