Според календарот на МПЦ (Јулијанскиот календар) денеска е 13 септември.
Денеска е Св.свештеномаченик Корнилиј (Претпразненство на Крстовден)
Тој беше Римјанин и римски офицер во Кесарија Палестинска. Беше прв од незнабожците кои и пристапија на Божјата црква. Откако се крсти Корнилиј остави се и тргна по апостолот Петар. Овој апостол подоцна го постави за епископ и го испрати во незнабожечкиот град Скипсеосис, каде што Свети Корнилиј претрпе многу бесчестења и мачења заради Христа, но со сила Божја го урна храмот на Аполон и го крсти кнезот на тој град, Димитриј. Откако беше известен од Бога за денот на својата смрт, тој ги повика сите христијани, ги посоветува, се помоли на Бога за нив и мирно се претстави кај Господ во својата чесна старост. Со време го заборавија неговиот гроб и стана запуштен.
Но, светителот му се јави на Троадскиот епископ Силуан и му јави за својот гроб, со заповед таму да се подигне црква. Епископот го изврши тоа со помош на богатиот гра|анин Евгениј.
Според Католичкиот календар денеска е Св. Кузма и Дамјан.
Според историските извори Кузма и Дамјан биле лекари во Егеј. Нивната дејност придонела луѓето да го прифатат христијанството. Тие лекувале и дејствувале апостолски т.е. го ширеле светото верување, се додека за време на прогонствата на Диклецијан, префектот Лусијас не ги измачувал, а тогаш им биле отсечени главите. Поради верувањето во христијанската вера тие ги поднеле мачеништвата. Свети Кузма и Дамјан се заштитници, лекари и аптекари.
