Лидерот на Независни Грци, Панос Каменос, откако соопшти дека дефинитивно го напушта кабинетот на премиерот Алексис Ципрас, во кој ја извршуваше функцијата министер за одбрана, денеска на прес конференција јасно стави до знаење дека пратениците во неговата парламентарна група нема да гласаат за доверба на владата.
– Гласањето за поддршката на владата ќе биде еднакво на поддршката на Договорот од Преспа – рече тој и упати закани до пратениците од неговата партија дека ќе бидат исклучени од партијата доколку гласаат за доверба во Владата на Ципрас.
Како што рече Каменос на прес конференцијата, терминот Македонија во името на соседната земја е единствената причина поради која ја напушта Владата.
Како што рече тој народот треба да бара договорот за името да биде ставен на референдум.
Некоиу од грчките медиуми, пак, пишуваат дека Каменост нема контрола над пратеничката група на Независни групи и дека владата на Ципрас има обезбедено поддршка за да добие доверба.
