Сопствениците на компаниите што добија субвенции од државата за надминување на кризата со коронавирусот ќе мора да ги вратат парите, а ако се следи законот ним им се заканува и казна затвор од 1 до 10 години.
Како што објави порталот МКД.МК на списокот на фирмите кои државната субвенција за плати не им ја дале на своите работници останаа 344 компании, а 234 веќе ги нема, најверојатно затоа ги исплатиле парите на вработените.
Оние што останаа на списокот може и кривично да одговараат за злоупотребата на државните пари за исплата на минималец за работниците. Од Генералниот секретаријат на Владата информираат дека денеска финалниот список ќе биде испратен до Јавното обвинителство.
