Илјадници Бразилци синоќа излегоа на улиците на повеќе од 110 градови низ земјата против политиката на претседателот Жаир Болсонаро за коронавирусот, откако Врховниот суд дозволи да се отворат истраги против него за наводи за корупција поврзани со нарачки за вакцини, јави ДПА.
Демонстрантите повикаа и на забрзана кампања за вакцинација, јави бразилскиот портал за вести Г1.
-Оваа влада веќе уби повеќе од 500.000 луѓе како резултат на политичките заблуди, лажни вести, лаги и сега овој апсурден скандал со корупцијата со вакцини, изјави една од демонстрантите, лекарот Патриша де Лима Мендес.
Ова е трет ден на мобилизација од крајот на мај со барање за заминување на Болсонар од функцијата, кој е обвинет за лошо управување со пандемијата на коронавирусот, што веќе однесе повеќе од 500.000 животи во земја со 212 милиони жители.
„Геноцидниот Болсонаро“, „Не е негативизам, тоа е корупција“ или „Да за вакцините“, се само некои од натписите што ги носеа десетиците изјади демонстранти во центарот на Сао Паоло.
-Луѓето преминаа од протестирање преку Интернет до протестирање на улиците. Најновото барање за отповикување и информациите за корупција придонесоа за тоа, изјави демонстрантката Ана Клаудија Лима.
Болсонаро е осомничен за игнорирање на сомневање за корупција покренато од службеник на Министерството за здравство.
Сведочејќи пред Анкетниот комитет на Сенатот (МКС), службеник на Министерството за здравство рече дека бил подложен на „нетипичен притисок“ да одобри увоз на дози на индиска вакцина „Коваксин“, што тој ги сметал за премногу високи. Службеникот навел дека договорот за вакцини бил вреден повеќе од 300 милиони долари. Исто така, се наведува дека цената од 15 долари била највисока што досега Министерството за здравство било подготвено да ја плати за една доза.
Судијката Роза Вебер го одобри барањето на канцеларијата на Јавниот обвинител да ги разгледа обвинувањата за корупција против Болсонаро поврзани со нарачката на 20 милиони дози од индиската вакцина „Коваксин“ против Ковид-19, јави агенцијата Бразил.
Група сенатори поднесе кривична пријава против Болсонаро под сомнение за злоупотреба на службената положба поради игнорирањето на сомневањето за корупција, пренесува ДПА.
Во пријавата за истрага се наведува дека Министерството за здравство ја нарачало вакцината, произведена во Индија, пред таа и да биде одобрена во Бразил.
Пратеник, брат на поранешниот службеник на Министерството за здравство, сведочеше дека го известил Болсонаро за овие недоследности.
Во меѓувреме, бразилската Влада, која оваа недела го прекина договорот за купување на дозите на вакцините „Коваксин“, даде неколку верзии на случајот.
Болсонаро се изјасни дека не знае за ваквите неправилности.
Индиската компанија „Барат биотех“ соопшти дека цената на доза од вакцината „Коваксин“ за странските влади изнесува меѓу 15 и 20 долари, а цената за Бразил е во овој дијашазон.
Договорот за „Коваксин“, исто така, неодамна беше во фокусот на парламентарниот истражен комитет кој ги разгледуваше дејствијата и пропустите на Болсонаро во пандемијата на коронавирусот.
Меѓутоа, отворањето постапка за импичмент против него зависи од претседателот на Домот на пратеници – кој се смета за сојузник на владата на Болсонаро.
