Украина е новиот светски шампион во крапски риболов, откако го освои првото место на 26. Светско првенство во крапски риболов за нации – „Маврово 2026“, кое изминатите денови се одржа на Мавровското Езеро.
Второто место го освои репрезентацијата на Унгарија, додека бронзениот медал ѝ припадна на Литванија.
На шампионатот беа уловени вкупно 1.428 риби, со вкупна тежина од 3.794,715 килограми, што дополнително ја потврдува динамиката и конкуренцијата на натпреварувањето.
На 26. Светско првенство учествуваа 33 национални селекции, кои во текот на натпреварувањето се бореа за престижната светска титула.
Организаторите упатија честитки до медалистите, но и до сите учесници за спортскиот дух и придонесот кон успешното одржување на шампионатот.
Посебна благодарност е упатена и до судиите, официјалните лица, волонтерите и сите кои беа дел од организацијата на „Маврово 2026“.
Со освојувањето на златниот медал, репрезентацијата на Украина ја понесе титулата светски шампион во крапски риболов за 2026 година.
