Шведскиот репрезентативец со македонско потекло, Дејан Кулушевски, ја доби наградата Гулдболен (Златна топка) за најдобар шведски фудбалер за 2022 година.
Играчот на Тотенхем имаше успешна година и за прв пат во својата кариера ја доби оваа награда. Тој со 22 години е најмлад игач кој ја освојува оваа награда по легендарниот Томас Бролин во 1990.
– Целата година ми беше апсолутно фантастична. Дојдов во Тотенхем и се вратив во живот. Чувствувам како се подобрувам и ми е неверојатно забавно кога сум на теренот, изјави Кулушевски.
Тој во јануари од Јувентус премина во Тотенхем.
