Спасовски да си даде оставка, тој или е неспособен да ги фати крадците на маслото од марихуана или е дел од криминалот, се вели во денешната реакција од ВМРО-ДПМНЕ, во врска со украденото масло од канабис во вредност од два милиона евра.
– Спасовски да си даде оставка, тој или е неспособен да ги фати крадците на маслото од марихуана или е дел од криминалот. 4 ден како Спасовски молчи, и ни траг ни глас од кражбата во висина од над 2 милиони евра, во масло од канабис. Кражбата е извршена во објект во кој има десетици камери, а Спасовски уште не знае кој и каде е крадецот. Објектот го обезбедувала приватна агенција за обезбедување со седиште во Струмица, а ниту тие не знаат кој ги заобиколил и ја ограбил фабриката, се вели во реакцијата.
Опозициската партија потесетува дека по кражбата на оружје од магацин на полицијата, се случува и друга неразјаснета кражба:
– Четири дена нема реакција од МВР, период доволен за маслото од марихуана одамна да биде изнесено од државата и продадено на црн пазар во странство, а некој дебело да профитира. Спасовски или е целосно неспособен и не знае што му се случува или е дел од криминалот. И во едниот и во другиот случај одговорот е еден. Оставка веднаш, бараат од ВМРО-ДПМНЕ.
И додека Спасовски молчи за маслото од марихуана, министерот за земјоделство, Љупчо Николовски, како и други министри, секој ден се сликаат и даваат изјави за маслото од сончоглед од увоз.
