Таман светот малку здивна од стравот и паниката што се ширеше со коронавирусот, од Светската здравствена организација стигнува вест за нов вирус што го шират лилјаци.
– Екваторијална Гвинеја го потврди ширењето на вирусот Марбург, многу заразна и смртоносна болест слична на ебола, откако најмалку девет лица починаа, соопшти СЗО.
Во централноафриканска земја повеќе од 200 луѓе се во карантин и ограничено е движењето во провинцијата Ки-Нтем по откривањето на непозната хеморагична треска. И соседната земја, Камерун, исто така, го ограничи движењето долж својата граница поради загриженоста за ширењето на заразата.
СЗО соопшти дека во Екваторијална Гвинеја покрај деветте смртни случаи, пријавени се 16 случаи на сомнителен вирусот Марбург, кои вклучуваат симптоми на треска, замор, како и повраќање и крвава дијареја.
Вирусната болест Марбург може да има стапка на смртност до 88 отсто. За болеста нема вакцина и одобрени антивирусни третмани.
Локалните здравствени власти првично пријавија случај на непозната болест која предизвикува хеморагична треска, а примерокот на 6 февруари беше испратен во лабораторија во Сенегал, што беше позитивен на вирусот Марбург.
