Француската фудбалска ѕвезда Килијан Мбапе ја прекина соработката со американската компанија за спортска облека „Најк“ и отсега ќе биде заштитно име на брзорастечката швајцарска компанија „Он“, чиј косоптвеник е прославениот тенисер Роџер Федерер.
Швајцарската компанија, која планира да ги лансира своите први фудбалски копачки следната година, претходно го назначи најдобриот стрелец во историјата на Арсенал, Тиери Анри, за директор за фудбал.
Мбапе е второ големо фудбалско име кое изминатиот период ја прекина соработката со „Најк“.
Неодамна и ѕвездата на Барселона, Ламин Јамал, стави крај на партнерството со „Најк“ и потпиша договор со германскиот производител на спортска опрема „Адидас“.
