Се приближува терминот кога треба да се породи Меган Маркл, а британските медиуми се обидуваат да дознаат колку што е можно повеќе информации за настанот на годината. Вчера на гости кај Меган и Хари беа Вилијам и Кејт, која роди три кралски бебиња и му ги покжауваше на светот неколку часа по породувањето.
Британските медиуми денеска пишуваат дека на Меган ѝ било жал за Кејт дури и тогаш кога не се познавале. Меган велела дека ѝ е жал за жена која по породувањето стои на високи потпетици и се смее пред фотографи.
Можеби тоа е една од причините пто Меган нема да ја следи традицијата на принцезата Дијана и првата снаа Кејт. Кралското семејство објави дека Меган ќе се породи во тајност и дека бебето отпосле ќе ѝ биде претставено на јавноста.
Традицијата на покажување на новороденчето веднаш по породувањето е стара. Ја започнала принцезата Ана во 1977 година, а пред тоа сите кралски бебиња се раѓале во палатата и на јавноста ѝ биле покажувани по неколку месеци.
