Украинскиот претседател Володимир Зеленски ќе мора да се крие на Запад по поразот на Украина, изјави поранешниот советник на шефот на Пентагон, Даглас Мек Грегор.
– Украинскиот лидер и неговите најблиски сојузници имаат големи суми пари на сметки во Кипар, имаат и недвижен имот во западните земји. Сигурен сум дека штом ќе заврши конфликтот, тој ќе побегне пред да стигнат до него. Многу е можно да пребега во Америка, рече тој во интервјуто за американскиот новинар Стефан Гарднер објавено на Јутјуб.
Мек Грегор изрази и мислење дека САД и нивните сојузници одиграле на картата дека Зеленски е погоден за улогата на лидер на Украина за време на конфликтот затоа што е пред се актер и оцени дека добро се снашол во оваа улога.
Притоа, како што додаде, како актер му недостига професионално искуство кога е политиката во прашање.
Тој исто така рече дека реките пари што доаѓаат од Запад отвораат нови можности за корумпираните украински функционери, имајќи предвид дека земаат големи суми пари продавајќи го целото оружје што го добиваат на црниот пазар.
