Повеќе од 150.000 вработени во јавниот сектор во Канада штрајкуваа откако не постигнаа договор за платите со федералната влада што ќе влијае на даночните пријави и пасошите пред летната туристичка сезона.
Синдикатот на вработените во јавните служби (ССАС) соопшти дека преговорите со владата ќе продолжат.
Синдикатот, кој преговара за нов колективен договор од 2021 година, посочи дека тоа е најголемиот штрајк против еден работодавач во историјата на земјата.
Федералната влада соопшти дека дала „фер, конкурентна понуда до PSAC“, вклучително и зголемување на платите за 9 отсто во текот на три години, и дека ќе ги продолжи преговорите за брзо постигнување договор.
Вработените во јавните служби (120.000) првично побарале зголемување на платите за 30 проценти во текот на три години, а вработените во даночната администрација (35.000) за 13,5 проценти исто така во текот на три години.
Инфлацијата лани достигна 8,1 отсто, а во меѓувреме е преполовена.
