Бројот на илегални мигранти кои влегле во Шпанија минатата година се зголемил за 82,1 % во споредба со ланската година и достигна 56.852 лица, поради големиот број пристигнувања на Канарските Острови, покажуваат прелиминарните податоци од шпанското Министерство за внатрешни работи.
Годишната бројка е највисока од 2018 година, кога во земјата пристигнаа 64.298 мигранти, која е една од главните порти кон Европа заедно со Италија и Грција.
Минатогодишниот пораст главно се должи на рекордниот проток регистриран на Канарските Острови.
Овие острови во Атлантскиот Океан, лоцирани во близина на северозападниот брег на Африка, примија вкупно 39.910 мигранти, што е за 154,5 % повеќе од 2022 година и го надминува претходниот рекорд од 2006 година.
Според податоците на европската агенција Фронтекс, тие мигранти дошле главно од Мароко и Сенегал.
