Нуклеарната фузија произведе најмногу енергија досега во еден експеримент, во Лабораторијата „ЏЕТ“ во Оксфордшир, доближувајќи го светот еден чекор поблиску до неограничен пристап до чиста енергија. Резултатот е постигнат во најновиот експеримент на лабораторијата по повеќе од 40 години истражување на фузијата.
Лабораторијата се наоѓа во Велика Британија, а европските научници кои работат во установата велат дека „постигнале работи што никогаш порано не се направени“, пренесуваат тамошните медиуми. Нуклеарната фузија е процес напојуван од Сонцето, пришто ситните честички се загреваат и се спојуваат за да создадат една потешка честичка што ослободува корисна енергија.
Доколку успешно се зголеми во обем, овој резултат би можел да биде решение за производство на големи количини чиста енергија без испуштање штетен јаглерод-диоксид.
Фото: архива.
