Лидерката на Шведската социјалдемократска работничка партија Магдалена Андершон денеска го информираше претседателот на парламентот, дека не може да формира влада во сегашната ситуација.
– Секако, сериозно ја сфаќам пораката на Левичарската партија и врз основа на разговорите што ги имав, заклучив дека во овој момент не можам да формирам влада, посочи Андершон.
Нејзиното откажување уследи откако Левичарската партија вчера соопшти дека за претседател на парламентот ќе поддржи кандидат на централнодесничарската Умерена партија на актуелниот премиер Улф Кристерсон.
Таа додаде дека Кристерсон ги поткопувала нејзините обиди да формира влада.
Централнолевиот блок, составен од четири левичарски партии, на изборите што се одржаа на 13 септември, освои 176 пратенички места на изборите, додека десничарскиот блок освои 173 места.
