Во првиот круг од претседателските избори одржани во неделата Макрон освои 27,8 отсто од гласовите, наспроти кандидатката на десницата Марин Ле Пен која доби поддршка на 23,1 отсто од гласачите.
Жан-Лук Меланшон, кандидатот на левицата кој освои 22 отсто од гласовите веднаш по изборите ги повика своите гласачи да не гласаат за Ле Пен која беше противник на Макрон и на изборите во 2017 година.
Макрон тогаш победи со 66,1 спрема 33,9 отсто од гласовите во вториот круг, но анкетите овојпат предвидуваат понеизвесни резултати.
Според една анкета се предвидува многу тесен резултат во вториот круг, при што Макрон би добил 51, а Ле Пен 49 отсто од гласовите.
Друга анкета предвидува победа на Макрон со 55 отсто од гласовите.
