Американскиот ЦДЦ соопшти дека добил информации за осум случаи на миокардитис кај деца на возраст од пет до 11 години, кои примиле вакцина против коронавирусот на Фајзер/БиоНТек, пренесуваат британските медиуми.
ЦДЦ претходно соопшти дека стапката на миокардитис кај момчињата на возраст од 16 до 17 години може да биде над 69 случаи на милион администрирани дози и околу 40 случаи на милион дози кај момчиња на возраст од 12 до 15 години.
Оттаму не откриваат дали има врска меѓу случаите на миокардитис и вакцините. Исто така, не е познато колкава е стапката на миокардитис во оваа група кај вакцинирани или невакцинирани деца.
Агенцијата соопшти дека во моментот кога ги прегледала податоците имало над седум милиони дози од вакцината во возрасната група од пет до 11 години, со дадени 5,1 милиони прва доза и два милиона втора доза.
Регистрираните случаи имале блага клиничка слика, соопшти ЦДЦ и додаде дека истите веднаш беа пријавени во Американскиот систем за известување за несакани ефекти од вакцините.
