Преспанскиот договор како исклучителен успех на македонската дипломатија тема во научен труд во кој како коавтор се појавува и бившиот премиер Зоран Заев, објави ТВ Алфа.
Како што стои во трудот чија содржина е на повеќе од 200 страници, Договорот со Грција според Заев е еден од најдобрите примери, дека е изводливо да се постигне решение во долготрајните спорови преку дијалог и дипломатија. За меѓународната спогодба која на Македонија и донесе ново уставно име, во делото пишува дека испратила „моќна порака до регионот но и светот, дека иако такви спорови има на сите континенти, меѓу многу држави, можни се решенија. И иако односите меѓу Грција и Македонија беа години заглавени ќор-сокак, Преспанскиот договор не се препишува како успех само на двете земји, туку и на целата Европска Унија.
Во овој труд фокусот не е само на Преспанскиот договор туку и на Договорот со Бугарија, со кој Заев очигледно многу се гордее.
– Овие договори се големи одлуки, но јас силно верувам дека големите промени доаѓаат со големи одлуки. Врз основа на овие принципи, во Договорот со Бугарија прифаќаме да делиме заедничка историја, како што повеќе земји на Балканот и во Европа споделуваат слична или иста историја. Ние се препознаваме меѓу себе и настојуваме да изградиме пријателство, да им дадеме простор на идните генерации да не бидат заглавени како нас, пишува Заев во научниот труд.
Познато е дека Заев заедно со неговиот грчки колега Ципрас беа номинирани за Нобелова награда, која не ја добија.
Целиот текст во ТВ Алфа може да го отворите на овој ЛИНК.
