Маж на 61-годишна возраст од кинескиот град Вухан починал од пневмонија, откако во градот се појавил вирус што допрва треба да се идентификува, а седум лица се наоѓаат во критична состојба, дознаваат кинеските медиумите од болнички извори.
Лекарите досега успеале да го дијагностоцираат вирусот кај 41 лице, а првите лабораториски тестови упатуваат за нов тип корона вирус, се наведува во соопштението објавено на интернет страницата на Министерствто за здравство на Вухан.
Двајца пациенти биле отпуштени од болница, а остантите биле во стабилна состојба, додека за 739 лица кои биле во блиски контакти со пациентите утврдено е дека немаат вирус.
Првата жртва на вирусот, што се појави во декември, бил редовен купувач на рибниот пазар во градот и кај него и претходно биле дијагностицирани абдоминални тумори и хронична болест на црниот дроб, соопшти лекарски извори. Со лекувањето не му се поправила клиничката слика и тој починал пред два дена, откако престанало да му работи срцето .
Заради вирусот расте и загриженоста за патувањата што Кинезите треба да ги имаат околу кинеските новогодишни празници што почнуваат кон крајот на јануари.
