Подгответе се за светот – светот чека на вашите успеси е слоганот на новото средно училиште Меѓународно училиште Скопје.
Меѓународно училиште Скопје на 30, 31 мај и 1 јуни од 16 до 19 часот ве поканува да дојдете на Отворените денови и одблиску да се запознаете со нивната програма и со условите за упис и добивање стипендија.
Меѓународно училиште Скопје за учебната 2022/2023 година доделува 1 целосна и 10 делумни стипендии за упис во прва година и 30 делумни стипендии за упис во втора, трета и четврта година.
Програмите според кои ќе се учи се специјално дизајнирани и им помагаат на учениците најлесно да ја изберат својата идна професија, а соработката со голем број светски реномирани универзитети ќе им помогне на учениците да ги следат и да ги исполнат своите соништа.
Меѓународно училиште Скопје ветува средина во која секој ученик ќе биде почитуван и ценет. Ова меѓународно средно училиште ќе биде место кое ќе ги направи учениците љубопитни и критички настроени.
Во рамките на додатната настава, училиштето има Програма за понатамошен развој чија цел е да понуди мотивирачки и необични активности кои ги подготвуваат учениците да развијат нова вештина, да пробаат нешто ново и да истражат нови можности. Програмата за понатамошен развој опфаќа широк спектар на дисциплини, без разлика дали се поврзани со спортот, уметноста, музиката или изведбата и ги поттикнува учениците да ги развијат своите потенцијали.
За повеќе информации посететe ја веб страницата www.iss.edu.mk
Искористете ги отворените денови кои се пред нас и не заборавајте за можностите кои ги нуди Меѓународно училиште Скопје затоа што светот чека на вашите успеси.
