Одложениот натпревар на Тотенхем во Лигата на Европа со Рен нема да биде презакажан, соопшти УЕФА.
УЕФА објави соопштение во кое потврди дека натпреварот од групната фаза од Лигата на Европа меѓу Тотенхем и Рен нема да се одигра откако страните не можеа да се договорат за нов датум.
Резултатот од натпреварот сега ќе го решава Контролното, етичкото и дисциплинското тело на УЕФА.
Натпреварот требаше да се одигра минатиот четврток на стадионот на Тотенхем Хотспур, но беше одложен поради проблеми со коронавирусот во тимот на Тотенхем.
