Судијата во случајот на СЈО „ТНТ“, Огнен Ставрев, оцени дека претепаниот екс градоначалник на Гази Баба, Тони Трајковски е подготвен за утрешното судење.
“Тони Трајковски е во добра општа состојба и на пат е кон дома. Ако не дојде за еден час, ќе го приведеме стражарно, рече судијата Огнен Ставрев на почетокот на денешното рочиште за случајот „ТНТ“ и даде еден час пауза.
Денешното рочиште на „ТНТ“ беше одложено токму поради неприсуството на Трајковски, обвинет во случајот, чие синоќешно претепување како причина за неприсуство на судењето е навремено пријавено во судот. И покрај видливите повреди, судијата Ставрев оценил дека Трајковски е во состојба да присуствува. Не се наведува дали ова е негова произволна оценка од фотографиите кои протекоа во јавноста или се консултирал и со лекарите кои го третирале. Доколку не се појави на утрешното рочиште, Трајковски ќе биде приведен стражарно, одлучи судијата Огнен Ставрев.
