Времето во Македонија денеска ќе биде сончево и многу топло со мала до умерена локална облачност. Ќе дува слаб до умерен ветер од североисточен правец.
Минималната температура ќе биде во интервал од 14 до 23, а максималната ќе достигне од 36 до 43 степени. UV=10
Во Скопје сончево и многу топло со мала облачност. Ќе дува слаб до умерен ветер од северен правец. Минималната температура ќе се спушти до 21, а максималната ќе достигне до 41 степен.
Како што најавува УХМР, во наредните денови продолжува периодот на сончево и многу топло време со максимална дневна температура која насекаде ќе биде над 30 степени, а наместа ќе надминува 40 степени, поради што до крајот на следната работна седмица ќе биде активирано портокалово ниво за опасност од високи температури.
Промена на временската состојба се очекува од петок.
Во сите земји од регионот и денеска се во сила предупредувања за високи температури поради топлиот африкански бран кој трае со денови, а можен крај и заладување може да се очекува за десетина дена.
Прогнозираните температури на воздухот се од 35 до 40 степени, а температурата на морето е висока и се движи од 24 до 27 Целзиусови степени.
Локално и за денеска е најавено невреме со грмежи и обилни врнежи од дожд, како што беше и синоќа во осијечко-барањската жупанија каде силен ветер собори дрвја, па интервенираа и пожарникари.
Во делови од Босна и Херцеговина денеска температурата ќе достигне 41 степен, главно на југот од земјата, но ќе има и изолирани локални врнежи. Температурата на морето во Неум вчера изнесуваше 29 степени.
Жешко со температура до 40 степени денеска ќе биде во одредени делови на Црна Гора, на приморјето, додека, според најавите, во Подгорица ќе биде за два степени повисока. Температурата на морето е 26 степени. УВ индексот е многу висок и изнесува 10.
И во нашата земја ќе биде многу топло, во некои делови и до 43 степени. Метеоролозите предупредуваат на многу висок УВ индекс – 10.
