Кремљ денеска изјави дека Украина ја плаќа цената за сопствените напади врз Русија во последните месеци и ќе продолжи да плаќа додека руските сили систематски напаѓаат разни цели во Украина.
Путин во петокот изјави дека Москва е подготвена да ги продолжи преговорите со Киев по парламентарните избори во Русија во септември, но посочи на големиот украински напад врз Москва за време на гласањето, нападите врз избирачките места и нападот со беспилотни летала врз Санкт Петербург за време на големиот економски форум во јуни.
На прашањето како тие украински напади влијаеле врз ставот на Москва кон мировните преговори, портпаролот на Кремљ, Дмитриј Песков, рече: „Украина ќе мора да ја плати цената за дејствијата што се случија во последните месеци. Тоа се случува сега. Нашите вооружени сили продолжуваат со специјална воена операција“.
Путин во петокот изјави дека сите предлози за решавање на 4,5-годишниот конфликт се уште се на маса, но дека Москва мора да процени што е во нејзин интерес.
