Пратеникот од редовите на ВМРО-ДПМНЕ, Бране Петрушевски во утринската емисија „Студио 10“ на ТВ 24 посочи дека ВМРО-ДПМНЕ на овие избори ќе биде апсолутен победник и дека очекува валкана кампања од страна на партиите од власта.
– Кризите во кои што се наоѓаме, слабиот рејтинг на политичките партии на власт, внатрешните поделби кои што ги имаат, сведоци сме дека имаме сериозни поделби во политичките партии на власт почнувајќи од политичката партија СДСМ која што се подели, односно од партијата си излезе градоначалникот на Куманово, Максим Димитриевски, ДУИ со поделбите и излегувањето на Изет Меџити, актуелните случувања во Алијанса на Албанците, сето тоа се фактори кои што ќе придонесат за една по мене сериозна валкана кампања. А, имајќи го искуството од претходните избори, еве ќе ги споменам последните локални избори кога помеѓу првиот и вториот круг, кога беше очигледна големата победа на ВМРО-ДПМНЕ, бевме сведоци на една сериозна валкана кампања на СДСМ. СДСМ тогаш држеше многу ниски и валкани прес конференции против кандидатите на ВМРО-ДПМНЕ. Стравот од пораз, лошиот рејтинг, немањето на аргументи и да се понуди она што е сработено во изминатиот период од страна на власта ќе предизвика една таква реакција на немоќ и на една валкана, црна кампања, истакна пратеникот Петрушевски.
Петрушевски додаде дека граѓаните се преморени од црните кампањи кои ги тераат партиите на оваа власт.
-Лицемерие на власта е она кога се држат прес конференции и се обвинува опозицијата за разно разни криминали, а институциите кои што се раководени од онаа партија која што ги држи прес конференциите не реагира. Напротив имаме реакција какви – такви на судовите кои што ги прифаќаат тужбите за клевета. Еве ќе напоменам, Каевски држеше прес конференции како претседателот Мицкоски имал куќа од милион евра, па добија пресуда за клевета. Исто така мисла дека Каевски држеше прес конференции за хидроцентрали некои кои што ги поседувал Мицкоски, и за тоа добија СДСМ пресуда судска за клевета. Токму пресудите говорат за каква црна кампања СДСМ води против ВМРО-ДПМНЕ, укажа Петрушевски.
Тој посочи дека СДСМ нема со што да се пофали, нема проекти со кои што можат да се пофалат и затоа водат црна кампања против ВМРО-ДПМНЕ. Со СДСМ граѓаните се уверија дека сиве овие години нема подобро здравство, образовниот систем тоне, и економијата на државата е на доста лошо ниво итн.
-И со напаѓањата на власта, ние сме една од ретки пример држави во демократскиот свет каде за се и сешто виновна е опозицијата. А, власта никако да преземе одговорност сама на себе, рече тој.
