ПОЧНУВА ИЗГРАДБА НА АВТОПАТОТ СКОПЈЕ-БЛАЦЕ: Изведувач е скопски Грантит, патот во должина од 10,5 км ќе биде готов за 4 години

Премиерот Христијан Мицкоски денеска ќе присуствува и ќе се обрати на поставувањето камен-темелник за изградба на автопатот Скопје – Блаце.

Изведувач на автопатот со должина од 10,5 километри, во вредност од 222 милиони евра, е градежната компанија  „Гранит“ АД Скопје, која треба да го заврши за четири години. Делницата треба да се спои со веќе изградените 1,5 километар од автопатот Скопје – Блаце во близина на граничниот премин Блаце.

Договорот за изградба на патниот правец на 20 август годинава го потпишаа градежното друштво „Гранит“ АД Скопје и Јавното претпријатие за државни патишта.

Фото: архива