Новиот словачки премиер, Роберт Фицо, денеска објави дека неговата земја го запира снабдувањето со оружје за Украина и ќе ја ограничи својата поддршка на „цивилна и хуманитарна помош“, пренесоа француските медиуми.
-Сметаме дека помошта за Украина е само цивилна и хуманитарна, нема да испорачаме повеќе оружје на Киев, рече Фицо, еден ден откако беше назначен за премиер на коалициската влада во која има и екстремно десничарска проруска партија.
