ВМРО-ДПМНЕ од утре излегува на предупредувачки протест со блокади во Скопје и низ повеќе градови низ Македонија.

Како што дознава порталот Курир, блокадите во Скопје ќе бидат на неколку раскрсници. Освен во главниот град, ВМРО-ДПМНЕ ќе почне со блокади во 10 други македонски градови.

Утре од 15 до 17 часот ќе бидат блокирани три раскрсници во Скопје – кај Нова Македонија, Собрание и на Бит пазар.

Во истото време ќе има блокади и во други 10 градови низ Македонија.

Целта на предупредувачкиот протест е да се изврши притисок кај Владата да открие што преговара со Бугарија и да се стопираат преговорите кои се штетни за Македонија.

Опозицијата е известена за преговарачкиот процес со Бугарија и за тоа веќе ја алармираше јавноста.

Од партијата порачуваат: „Излези за Македонија“!