Пензионерите и понатаму се во неизвесност дали најавеното линеарно зголемување на пензиите ќе се реализира поради потегот на Уставен суд и Кацарска. Поради тоа, во понеделник, први декември, со почеток во 11 часот пензионерите од цела држава ќе протестираат пред Уставниот суд во Скопје.
Во скандалот кој го тресе македонското судство, а овојпат адресата е Уставен суд Б.Б. По предлог на судијката Добрила Кацарска, за која цела Македонија многу добро знае како и зошто дојде на таа позиција (како награда за нелогичните политички пресуди за патриотите од 27-ми април), Уставниот суд прифати да поведе постапка за оценување на уставноста на ЛИНЕАРНОТО ЗГОЛЕМУВАЊЕ ПЕНЗИИ, со кое македонските пензионери добија по 2.000 денари плус на своето конто, во две фази наесен и наредната година на пролет. Со оваа мерка беа опфатени стотици илјади пензионери.
Повеќе од трагичното објаснување на Уставниот суд е дека имало некаков си наводен сомнеж за дискриминација на пензионерите со поголеми пензии во однос на оние со минималните пензии, аргумент кој од општествено-социјален аспект е далеку од умот и нема никаква логика. За нивна жал, тие со поголеми пензии и кои јавно се бунеа, се предомислија во јули годинава и ја пофалија мерката и потегот на премиерот Христијан Мицкоски. Тоа, сепак, не стигнало до Кацарска и Уставен.
Координирано со Уставен и СДСМ сее страв дека пензискиот систем е руиниран, што е целосна лага.
Од Фондот на пензиско и инвалидско осигурување смируваат. Од таму потенцираат дека исплатата на пензиите се одвива нормално и веќе на први декември 2025 пензионерите ќе ја добијат ноемвриската пензија, за што вкупно ќе се исплатат средства во висина од 9.297.493.427 денари (девет милијарди 297 милиони 493 илјади и 427 денари)
Пензионерите треба да бидат спокојни, бидејќи Владата ја гарантира исплатата на пензиите и тука не треба да има никаков сомнеж или страв дека пензии нема да има. Фондот на ПИОМ во координација со Владата исплатата ја врши секој први во месецот и истото ќе продолжи да го прави и во 2026 година, велат од ФЗОМ.
Оттаму информираат и дека за наредната година Владата во Буџетот ќе обезбеди речиси 151 милјарда денари за исплата на покачените пензии, здравственото осигурување на пензионерите и транзициските трошоци за трите пензиски друштва од вториот столб.
