Светот потрошил 10 отсто повеќе алкохол во 2017 година отколку во 1990 година, пред се поради ширењето на таа лоша навика во Кина и Индија, велат научниците.
Според актуелните трендови, глобалната потрошувачка на алкохол ќе се зголеми за уште 17 отсто во следната деценија, објавено е во списанието Лансет.
„Светот не е на патот кон исполнување на глобалната цел и намалување на штетната употреба на алкохол”, нагласуваат авторите на студијата, повикувајќи на поагресивни контрамерки како што се повисоки даноци и забрана на рекламирање.
Целта на Светската здравствена организација е да се намали штетната употреба на алкохолот за 10 проценти до 2025 година.
Алкохолот е поврзан со двесте заболувања и е одговорен за три милиони смртни случаи годишно, од кои 75 проценти се мажи.
На глобално ниво, околу 237 милиони мажи и 46 милиони жени страдаат од нарушувања поврзани со алкохол. Највисоката стапка е во Европа и Северна Америка за двата пола.
Алкохолот е се уште најмногу се пие во Европа и Северна Америка. Во Франција, на пример, мажите пијат 19 литри алкохол годишно, а жените само шест.
Во САД, бројките се малку пониски, 15 литри за мажи и 4,5 за жени. Во Кина, мажите пијат 11 литри алкохол годишно, а жените три. Ова е помалку отколку во САД, но проблемот е што за Кинезите тоа е зголемување од 70 проценти во споредба со 1990 година.
Индијците се уште не пијат премногу, во просек шест литри алкохол по човек, но ова е двојно повисоко отколку во 1990 година, при што експертите предвидуваат зголемување од 50 проценти во текот на следната деценија.
По региони, најмалата е потрошувачката во Северна Африка и Блискиот Исток, обично помалку од еден литар по возрасно лице годишно.
Таа е најголема во Централна и Источна Европа, каде што во просек има неколку земји со повеќе од 12 литри.
Првото место е за Молдавија со 15 литри алкохол, по што следуваат Русите, Французите и Португалците.
Најмногу се пие жесток алкохол – 45 проценти, пиво 15 проценти и 12 проценти вино.
