Големите љубители на ќофтиња нема да можат да одолеат на фантастичниот вкус, а сливите им даваат посебен вкус.
Состојки:
- 400 грама мешано мелено месо
- 1 парче леб
- 4 лажици лебни трошки
- 1 дл млеко
- 1 јајце
- 10 суви сливи
- 2 главици кромид и 2 чешниња лук
- 100 грама ориз
- 1 лажичка мелена пиперка, бибер и сол
- 6 дл говедска супа
- 40 грама пармезан сирење
- 2 дл сок од домати
- 5 лажици масло
Подготовка:
Потопете го лебот во млеко, исцедете го и издробете го.Ситно исецкајте ги сливите ,кромидот и лукот. Во сад, измешајте го меленото месо, јајцето, издробениот леб, мелената пиперка, лебните трошки и половина од сецканите сливи. Додадете зачини по вкус и добро измешајте.Со раце намачкани со масло, формирајте мали топчиња од подготвената смеса, а потоа пржете ги во врело масло, извадете ги од маслото и оставете ги топли. Додадете го кромидот во маслото и пржете додека не стане стаклен. Потоа додадете ги преостанатите сливи, оризот, солта и биберот и пржете кратко. Крчкајте, повремено додавајќи говедска супа, додека оризот не омекне. Истурете ја смесата во сад за печење. Одозгора наредете ги ќофтињата, а потоа прелијте ги со сосот од домати и смесата од пармезан врз ќуфтињата. Ставете во претходно загреана рерна на 200*C да се печат. Добар апетит!!
Фото: Фрипик
