Беспилотно летало удри во зграда во изградба во московскиот деловен кварт, а други две биле соборени од руската противвоздушна одбрана во близина на главниот град.
Во нападот извршен ноќеска нема повредени лица, соопшти руското Министерство за одбрана.
Се наведува дека беспилотните летала биле украински. Засега нема реакција од Украина.
Во соопштението на руското МО се вели дека едно беспилотното летало се урнало врз зграда во изградба во Москва што предизвикало мали оштетувања.
-Два дрона беа соборени во областите Можајски и Химки во московскиот регион, односно југозападно и северозападно од главниот град на Русија, соопшти Министерството за одбрана.
Сите четири московски аеродроми привремено престанаа со работа, но сега повторно работат, изјави претставник на властите.
Руските власти објавија вчера дека противвоздушната одбрана на земјата соборила четири украински беспилотни летала во близина на главниот град и во областа Брјанск, која граничи со Украина.
