Целиот свет го призна нашиот прав пат, само Мицкоски и ВМРО-ДПМНЕ се против и стојат на страна, истакнува во денешното соопштение владејачкиот СДСМ.
– Не само што се против евроинтеграциите и членството во НАТО, туку ВМРО-ДПМНЕ и Христијан Мицкоски дури и навиваат против напредокот. ВМРО-ДПМНЕ и Мицкоски се против ЕУ и НАТО, против реформите, против концептот со кој парите се враќаат на граѓаните, против раст на платите и пензиите, против се што е добро за граѓаните и државата. Целиот свет го призна нашиот прав пат, само Мицкоски и ВМРО-ДПМНЕ се против и стојат на страна. Без разлика, колку и да се против ВМРО-ДПМНЕ , СДСМ продолжува по вистинскиот, правиот пат на развој, напредок и интеграција. Патот на ВМРО-ДПМНЕ води само кон обнова на криминалот и режимот, се вели во соопштението.
