Го охрабруваме Христијан Мицкоски да учи од премиерот Зоран Заев и Владата како се води развојна економија и како се работи за интересите на граѓаните, се истакнува во денешното соопштение од владејачкиот СДСМ.
Од Бихаќска, вообичаено, соопштуваат дека во Македонија благодарение на власта „ни цветаат ружи“, а за сите неволји виновна е опозицијата и Мицкоски. Го објавуваме соопштението од СДСМ во целост:
Официјалните податоци ги демантираат сите лаги и измислици на ВМРО-ДПМНЕ и Христијан Мицкоски кои во неможност да се помират со економските успеси на Владата предводена од СДСМ продолжуваат да пласираат тешки лаги и дезинформации за наводен пад на стандардот и задолжувања.
Деструктивното ВМРО-ДПМНЕ нема капацитет да увиди дека може да се работи во интерес на граѓаните и државата, дека може да се гради силна и развојна економија кога постојано се преземаат ефикасни политики.
Република Северна Македонија се раздолжи за 500 милиони евра за еврообрзницата, со што јавниот долг е намален за 4,358 процентни поени.
Буџетот е ликвиден, приходите од почетокот на годината бележат раст од 15,6 отсто во однос на истиот период лани, а расходите се реализираат навремено и редовно.
Сите економски политики на Владата предводена од СДСМ ги даваат очекуваните резултати.
Наш врвен приоритет останува благосостојбата и грижата за граѓаните, во тој правец е и растот на просечната плата која во моментот изнесува 28.721. Паралелно бележиме и рекордна економска активност во Индустриските зони и историски пад на нивото на невработеноста.
Наместо да се затскрива зад партиски реакции, го охрабруваме Мицкоски да учи од премиерот Зоран Заев и Владата како се води развојна економија и како се работи за интересите на граѓаните.
Центар за односи со јавноста на СДСМ
