СДСМ: И во најголема криза се грижиме за пензионерите, за септември подготвуваме историски највисоко покачување на пензиите 

СДСМ и во време на најголема економска криза продолжува со вистинска грижа за пензионерите, се истакнува во денешното соопштение од владејачкиот СДСМ, кое го објавуваме во целост:

Во тек е исплатата на априлските пензии за околу 330.000 пензионери, кои на своите сметки ќе добијат дополнителни 1.000 денари помош за полесно справување со последиците од кризата.

Финансиската поддршка од по 1.000 денари за секој пензионер обезбедена со антикризните мерки на Владата предводена од СДСМ се исплаќа три месеци.

По усвојувањето на новата методологија, во септември следува историско највисоко покачување на пензиите.

Со СДСМ, просечната пензија во изминатите 4 и пол години е зголемена за над 2.000 денари, а пензиите се исплаќаат редовно и навремено.

СДСМ како одговорна партија продолжува со мерки и политики за заштита на стандардот на сите категории граѓани.

Центар за односи со јавноста на СДСМ