Напредокот е одлика на СДСМ, изолацијата и уназадувањето, криминалот и корупцијата е одлика на ВМРО-ДПМНЕ. СДСМ и Зоран Заев за неполни две години ја кренаа земјата, економијата расте, од заробена држава станавме светол пример во регионот.

Ова се истакнува во денешното соопштение од владејачкиот СДСМ.

– Христијан Мицкоски, седнат во белиот дворец, симболот на криминалот и корупцијата, уште еднаш потврди кој е неговиот најголем проблем: функционирањето на правната држава и СЈО. Само тоа го мачи Мицкоски, несигурен е, не може да го одбрани криминалот на режмот, криминалот на ВМРО-ДПМНЕ и неговите соработници. Несоодвета е било каква споредба на владеењето на криминалната ВМРО-ДПМНЕ и режимот кој ја опустоши државата во изминатите 11 години со позитивните промени во сите сфери во последните 2 години. ВМРО-ДПМНЕ созададе режим, ја оддалечи земјава од НАТО и ЕУ. СДСМ за две години обезбеди членство во НАТО, најпозитивен извештај од ЕК и чиста препорака, се вели во соопштението.

Натаму се додава „како на меѓународен план така и на внатрешен, за 2 години е напревено повеќе отколку во изминатите 11 години“.

– Економијата од назадување и -1.8% во времето на ВМРО-ДПМНЕ, за 2 години има раст од 4.1%. Платите се зголемија за 2.000 денари, а пензиите за над 800 денари. Рекордните износи на странски и инвестиции се забележани и во меѓународните извештаи. За да го забрза тој напредок СДСМ продолжи да се менува. Само во ВМРО-ДПМНЕ ништо не се менува, тоа е истата партија во која се уште шеф е Никола Груевски. Затоа Мицкоски се плаши од промените, го чека нов пораз и покрај силењето за некакви предвремени избори кое е само за внатрешна употреба, загрижен за својата партиска позиција. Мицкоски исто вака се силеше и пред пред минатите избори, па ги загуби. ВМРО-ДПМНЕ и Мицкоски загубија на претседателските избори, а загубија и на предвремните локални избори во Охрид и во Ново Село. Мицкоски и ВМРО-ДПМНЕ можат да се спремат за нов пораз на следните избори. С. Македонија продолжува напред, Мицкоски и ВМРО-ДПМНЕ остануваат назад, се вели во соопштението од Центарот за комуникации со јавноста на СДСМ.