Она што е важно да се истакне е дека наскоро ќе започне процес на законски измени со кој тримесечниот лимит од 1.800 денари, ќе се зголеми на 2.100 денари за МојДДВ, истакна на на денешната прес – конференција, Фаница Николовска, пратеничка од СДСМ.
Во продолжение интегрално го објавуваме целиот текст од прес-конферецијата на СДСМ
Мерката Мој ДДВ е една од најуспешните мерки од концептот Парите назад кај граѓаните што го реализира Владата предводена од СДСМ.
За три години преку оваа мерка кај граѓаните се вратени 4,2 милијарди денари или околу 68,3 милиони евра, односно над 22 милиони евра кај граѓаните секоја година.
За успешноста на овој проект кој освен повеќе пари кај граѓаните, ја јакне и даночната дисциплина говори и фактот дека денес има регистрирано над 460.000 корисници и овој број постојано расте.
Она што е важно да се истакне е дека наскоро ќе започне процес на законски измени со кој тримесечниот лимит од 1.800 денари, ќе се зголеми на 2.100 денари, што значи дека еден корисник за една година може да добие максимален поврат од 8.400 денари, наместо досегашните 7.200 денари.
Мерката Мој ДДВ е првиот проект со кој државата враќа пари директно на трансакциските сметки на граѓаните и пример за проект кој функционира беспрекорно.
СДСМ како одговорна партија продолжува со реализација на мерки и политики кои обезбедуваат повеќе пари во секое семејство.
Грижаата за граѓаните и нивниот економски станадард останува врвен приоритет за Владата и институциите предводени од СДСМ.
Видеото од прес-конференцијата може да го отворите ТУКА.
Центар за односи со јавноста на СДСМ
