Економските политики на Владата предводена од СДСМ даваат резултат, се истакнува во денешното соопштение од владејачкиот СДСМ кое го објавуваме во целост:
Според последните податоци од Државниот завод за статистика просечната плата за месец јули изнесува 31.812 денари односно за 11.5 отсто повеќе од истиот месец од 2021 година.
Во апсолутен износ тоа е за 3.200 денари повеќе за само една година.
Од овој месец следува покачување на платите во образованието, детската заштита, полицијата и одбраната што ќе влијае на дополнително зголемување на просечната плата.
Во услови на светска економска и енергетска криза преку одговорни и ефикасни мерки и политики Владата предводена од СДСМ обезбедува стабилност и конкурентност на домашната економија.
Центар за односи со јавноста на СДСМ
