ШАМПИОНСКИ ВО НАШИЦЕ: Борко обезбеди победа за Вардар против Нексе во последната минута 

Европскиот шампион Вардар со победа се вража од Нашице, што во последните моменти од натпреварот ја обезбеди голманот Борко Ристовски.

Вардар го победи Нексе во Нашице со 31:30 откако домашните ракометари имаа предност речиси во текот на целиот натпревар. Но, на крајот со минимално еден гол разлика, победата е за Вардар.

Нексе го имаше последниот напад за израмнување, но одлично реагираше Ристовски и со третата одбрана на мечот му донесе победа на Вардар во натпревар од СЕХА-лигата.