Состојбата со комарците веќе е ублажена, вели скопскиот градоначалник Петре Шилегов, по поплаките од скопјани на социјалните мрежи и медиумите дека проблемот не е решен и по последната авиодезинсекција.
Шилегов очекува в петок кога ќе заврши прскањето против возрасните комарци да заврши и маката на скопјани. Но, за разлика од повеќето граѓани, Шилегов вели дека него цела година не го каснал ниту еден комарец.
-Секогаш кога се прска треба да се мисли пред сè на здравјето на луѓето, затоа што прскате хемикалија и токму заради тоа таа мора да биде по сериозни протоколи и препораки од здравствените власти, рече Шилегов.
На прашањето дали годинава бил каснат од комаец, тој одговори:
-Годинава не. Јас живеам во Тафталиџе немам слушнато дека имаме проблем, барем во соседството во коешто јас живеам, одговори Шилегов.
