Фудбалерите на Шкендија триумфираа и во вториот натпревар од првото квалификациско коло во Конференциската лига на УЕФА сега во Скопје со резултат 1:0 против ФК Европа од Гибралтар.
Единствениот гол се случи во 86 минута кој беше дело на Ване Крстевски по асистенцијата на Арбин Зејнулаи.
Крстевски претходно влезе во игра од 71 минута како замена за интернационалецот од Габон, Фахд Ндзенгуе.
Шкендија во второто квалификациско коло во ова натпреварување ќе игра против Браво од Словенија.
Првиот меч Шкендија ќе го игра на гости на 23 јули, а реваншот е седум дена подоцна на Националната арена „Тодор Проески“.
