Украинскиот министер за надворешни работи, Андриј Сибиха, ја опиша наводната американска дозвола за употреба на оружје со долг дострел на руска територија како потенцијална „пресвртница“ во војната.
Пред состанокот на Советот за безбедност на Обединетите нации во Њујорк, Сибиха изјави дека „колку подолго Украина може да нападне, толку пократка ќе биде војната“.
Според извештаите на американските медиуми, американскиот претседател во заминување Џо Бајден и дал дозвола на Украина да ги користи ракетите ATACMS испорачани од САД, кои имаат дострел до 300 километри, за да гаѓа воени цели во областа Курск во западна Русија.
Оружјето најверојатно првично ќе се користи против руските и севернокорејските трупи за поддршка на украинските сили кои окупираат територија во областа.
Фото: ЕПА
