Претседателката на државата Гордана Сиљановска Давкова, по повод големиот муслимански празник Курбан Бајрам, упати честитка до поглаварот на Исламската верска заедница, реис-ул-улема х. хфз. Шаќир еф. Фетаху и до сите граѓани од исламска вероисповед.
На поглаварот на Исламската верска заедница, реис-ул-улема х. хфз. Шаќир еф. Фетаху и на членовите на Ријасетот, муфтиите, имамите и на сите верници од исламска вероисповед во Македонија, Сиљановска Давкова им упати честитки по повод големиот муслимански празник – Курбан Бајрам.
– Најискрено посакувам празничните денови да донесат среќа, радост, љубов, хармонија и мир. Курбан Бајрам ги потенцира благодетелта, дарувањето и солидарноста, инспирирајќи нѐ на хумани дела и поддршка на сите на кои им е потребна. Да си даруваме и помагаме, да си бидеме поткрепа еден на друг, заедно во добро и лошо без разлика на верската, етничката, половата или било која припадност и да работиме на просперитетот на нашата татковина и благосостојбата на сите македонски граѓани, стои во честитката од претседателката Сиљановска Давкова, соопштија од нејзиниот Кабинет.
