Силно невреме проследено со интензивни врнежи од дожд и град околу пладне го зафатија Охрид и околината. На моменти, градот беше со големина на орев, што ќе предизвика штети, особено на овошките и посевите.
Невремето што траеше околу половина час ги испразни улиците низ градот.
Градската канализациска мрежа не можеше да ја прими сета вода, која почна да се излева од шахтите.
Градоначалникот на Охрид, Кирил Пецаков, свика состанок на Општинскиот кризен штаб поради невремето.
Од УХМР информираат дка регионот бил зафатен од силно невреме проследено со интензивен пороен дожд, грмежи, силен ветер и појава на град.
Правец на движење на нестабилност од југозапад кон североисток.
