Четири лица се здобиле со полесни телесни повреди во четири од вкупно 10 сообраќајки што се случиле во текот на вчерашниот ден на подрачјето на СВР Скопје. Во шест сообраќајки била причинета материјална штета.
Од СВР информираат дека вчера сообраќајната полиција открила и санкционирала двајца возачи кои се движеле со поголема брзина од дозволената со сообраќаен знак, а од сообраќај исклучила едно нерегистрирано возило.
Пет пешаци кои поминале коловоз вон пешачки премин и четворица пешаци кои поминале коловоз на црвено светло биле исто така санкционирани од сообраќајната полиција.
Издадена била една ПМН за непрописно паркирање, а со специјалното возило „пајак“ биле отстранети 74 возила.
