Словенија денеска официјално ја објави својата кандидатура за непостојана членка на Светскиот совет за безбедност на ОН за периодот од 2024 до 2025 година, соопшти словенечкото Министерство за надворешни работи.

Советот за безбедност се состои од 15 земји-членки на ОН, од кои пет се постојани (САД, Кина, Франција, Обединетото Кралство и Русија), додека непостојаните членки се избираат со мандат од две години.

Откако стана членка на ОН во 1992 година, Словенија двапати се кандидираше за една од непостојаните членки на Советот за безбедност, еднаш успешно.

Државата беше избрана за непостојана членка на Советот за безбедност за периодот 1998/1999 година, додека во 2011 година се кандидираше, но беше избран Азербејџан, кој доби повеќе гласови од Собранието на ОН.