Поранешниот американски претседател Доналд Трамп ќе ја официјализира својата кандидатура за претседателските избори на 15 ноември, потврди неговиот советник Џејсон Милер.
Трамп најави дека размислува да се кандидира за функцијата, а неодамна вети дека на 15 ноември ќе објави нешто важно.
„Претседателот Трамп во вторник ќе објави дека се кандидира за претседател. Тоа ќе биде една многу внимателно подготвена најава“, рече Милер.
„Се разбира дека ќе се кандидирам. Ќе се кандидирам и сакам да се уверам дека луѓето знаат дека сум полн со енергија и дека треба да ја вратиме оваа земја на вистинскиот пат. Сите знаат дека ќе се кандидирам, па ајде да го направиме тоа“, му рекол Трамп на Милер.
